Lyrix: Langsam fett (1984)
It's Blosmusik
Musik und Text: A. Köberlein

Was'e will - is a good combination
what i feel - is a Pushpush
was'e sieh - is a breakin' and a shakin'
what i hear -is a Ratatatata
It's a rhythm' a rhythm' a very good rhythm'
you can dance wia a Seggl ond schwitza ganz nass
it's a groove a groove, a very godd [sic] groove
you can jugga wia d Depp, a really fat brass
it's Blosmusik
I ben a dibbl-dubbl Showkarnickel, dirty old boy
i'm bringin' you the very new dancing for joy
my liaber Fan i do what i can
you're waiting for a Hit, der kommt bloß id
but Blosmusik
[Seitenanfang]
Sie tragen wieder Körper
Musik und Text: G. Köberlein

Sie tragen wieder Körper;
midi-lang, die Schlitze nicht zu knapp.
Dekolletes [sic] - betont gewagt,
Leidenschaft ist angesagt.
DeoDior - das Duft Dessous.
Boss - was willst du mehr .
Herrchen präsentiert den straffen Po;
breite Schultern komm'n gut rüber.
Sie tragen ... ist angesagt.
Sie zeigen was sie ham'n:
Gut im Öl und topgestylt.
Intime Sprays von vier bis acht;
Body Speech die ganze Nacht.
[Seitenanfang]
N'Stoi isch n'Stoi (Kendr bassed auf ...)
Musik und Text: A. Köberlein

Der Lomba isch a Ballkloid
der Stegga do a Schwert
dia Mauer isch a Schloß
ond der Stoi Gold wert
Der Baum do isch n'Turm
des Auto isch n'Dracha
der spuckt Feuer raus ond Rauch
aus seim hoißa Racha

Kendr bassed auf, bei ons do oba
do weht n scharfa Wend
dr Vaddr hod scho lang ganz heimlich
de alde Bilder vrbrennt
A Spiel isch a Spiel, s'Leaba bloß Leaba
s'Ballkloid liegt em Dreck
N'Stoi isch N'Stoi, a Mauer a Mauer
ond 'Dracha fliaged weg

Oin Blick isch wia Sproch
ond s'Spiel a ganz Leaba
de Alde send de Feind'
ond nix wird vrgeaba
A Kend isch arm ond reich
des gibt sich mit dr Zeit
Phantasie isch ohne Grenza
aber n'Dag koi Ewigkeit

Kendr bassed auf ...
[Seitenanfang]
Touri
Musik: H. Fink, G. Köberlein, Text: G. Köberlein

Touri - jetz kommts dick;
Saitseeing-Freaks aufm Eikaufstrip.
Ihr wellet Attraktiona, ihr hauet auf da Butz;
die Leit aber, wo do wohnet, dia send eich alle schnurz.
"So many fackwörkhouses and Burgen -how nice"
a Bootlesfahrt em Näckar, "oh, its really great"
Gschwend no dia Kirch ens Fotovisier,
ond glei danoch en Wienerwald - a Hendl ond a Bier.
Ond als Lohn für dia Tortur - a traditionelle Blaschdiggfigur,
Do wo ihr send, do steiget 'Preis; ihr zahlet z'viel
für da ledschde Scheiß.
Schwobaland -en zwoi Dag komplett;
Diebenga ... Schwarzwald, ond weg.
[Seitenanfang]
Wia n'Doil von mir
Text und Musik: A. Köberlein

Vaddr, wia'n Stoibruch hart
wia'n Wolf auf Jagd, isch vorbei
I komm jetz klar mit dir

Moddr, wia'n Fels em Sturm
wia'n Wasserturm voll mit Träna
für a Ewigkeit

Schweschdr, wia 'Blatt em Wend
wo dr Weag id fend', laß dr Zeit
vrgiß dei lacha id

Bruadr, wia'n Doil von mir
ond wer den Kampf vrlierl isch ganz egal
Komm mir helfed ons
[Seitenanfang]
Erlkönigs Vermächtnis
Musik und Text: G. Köberlein

Vaddr ond Kend reitet em Wend,
kommt en Ma ond gwatscht se a:
ob de Gloine ida mitkomma ka?
Dr Vaddr sait nee,
Kend hot Wehweh;
moß hoim ens Bett. Kend dod - weg.
(... Trauer ond Vrzweiflong em Hause Erlkönig. Dr Pfarrer wird gholt ond erfährt dort was bassiert isch. Koin Zweifel; des isch a satanische Verschwörung. Ond no en drselba Nacht wird dr örtl. Exorzischt benachrichtigt ... dr Henderroiner Fizz.)
Vaddr ond Pfaff schleichet nachts zom Henderroiner Fizz (Pfui, igitt)
Dr Fizz isch an Ma, wo hexa ka ond geheime Verbindonga herstella ka.
(... ond dr Fizz hot bereits alles vorbereitet: die schwarze Messe beginnt ...)
Dr Pfaff sait: mea kulpa, dr Fizz verstod: fang du a!
ond packt dia Ratt ond sticht se ab.
Hexamens' Goissabluat, Fluigapilz, Schlangabruat.
Fluacha ond schwöra: Moischdr, loß de höra -
Weg mit dr Hex,
weg mit dr Hex ...
D' Glock schlait 3, dr Vaddr kommt hoi
voll Bluat ond Dreck. D' Moddr -weg!?
(... Fortsetzung folgt)
Weg mit dr Hex.
[Seitenanfang]
Ben'e out, ben'e in
Musik und Text: A. Köberlein

Mann o Mann jetz guggamol do
Bravo sag i bloß
der sieht jo aus, der lauft jo rom
wia Supp Salat ond Soß
seine Hoor - Farba, Farba
ond Kloidr wia Frau
Haysi Fantaysie
isch a ganz veruckte Show

Mutig der Kerle, do god was ab,
was ab was ab was ab
Der isch out, der isch in
der hod n oigna Stil
der sieht sauber aus, der kommt guad raus
der woiß was'r will

Noch England, ab noch London
en England do isch d'Szien
do kommet'se alle her
Kajagoogoo, Marylin
New Romatik, Paradis.
das gelobte Land
ond glei gibts n Job
als Amois bei Adam Ant

Mutig der Kerle ...
Alles andre isch bekannt
Ma hod me noch entdeckt
"Senga kan'r" hand se gsait
"ond jetz wird Geld nei gsteckt"
Klamotta her von dr Müllabfuhr
ond fuchzeah Farba ens Hoor
noch standed se do ond lached sich he
ond saged, des sei id wohr

I gugg me a, i woiß id reacht
i woiß 's id genau
Ben'e out, ben'e in
i han so a komisch' Gfühl
des sieht halt ziemlich Scheiße aus
ka macha was e will

Junge, Junge, bei der Substanz
do lass i mi id lomba
i checks nomoi ond was noch kommt,
des haut nei wia Bomba
Judafurz ond Feuerzeig
mei Onderhos bis zom Hals
Blatzpatrona nei ens Maul
wenn 'e Gosch aufmach noch knallts

I gugg me a, i woiß id reacht
i woißes id genau
ben'e out, ben'e in
i han so a komisch' Gfühl
Des sieht faschd aus wia Krankahaus
aber s'isch mein oigna Stil
[Seitenanfang]
Schnorrer
Musik und Text: A. Köberlein

I woiß du hosch koi Kohle
du leabsch von Luft ond Liebe
i woiß du hosch viel migmacht,
ond jetz bisch hangablieba
aber kasch mr ois vrrota, warom grad bei mir
i ben doch id dein Goofy ond id vrwandt mit dir

Du bisch so klebrig wian Bolla Rotz
du hengsch an mir wian Eisaklotz
du laufsch mr noch, dr ganze Dag
du bisch beleidigt, wenn 'e mol was sag

Du rauchsch vonmeine Kippa,
du frißsch da Kühlschrank leer
du schlofsch bis mittags zwelfe,
schlebsch deine Kombi her
ond bloß weil i mol gsait han, i wär so oft alloi,
i hätt so wenig Freind ond soviel Platz dahoim

Du bisch so klebrich ...

Ond jetz ben i dr Seggl, i han n Fehlr gmacht
i han de aus m Haus gjagt,
ond du hosch driebr glacht
ond heit stohd en dr Zeidong a jeses Inserat
du hosch me ganz schee rei glegt, du alde Ratt
I hätt a Haus ganz billig azombieta
an obdachlose Penner zom vermieta
ond heit flagged scho ganz fett
drei Irokesa en meim Bett
[Seitenanfang]
Wenne ald ben
Musik: G. Köberlein, H. Fink, Text: G. Köberlein

En 40, 50 Johr,
wenne siebzge oder achtzge ben,
ond de moischde von meim Johrgang
lengsch ganz woander send,
noch isches soweit.
Wenn d'oigene Kendr
oin allmählich vergesset,
aber hählenga, wenne weg ben,
meine Zemmer ausmesset ...
noch isches soweit.
Wenn wieder mol ganz zufällig
dr Pfarrer bei mr reiguggt,
wenne schneiza moß on'r sieht:
en meim Saggduach isch wieder Bluat ...
noch isches soweit.
Wenn d'Rotkreizschweschdra kommet,
mit Kaffee ond Kuacha
ond der Seggl vo dr Krankakass
de ganz Zeit bei mr aruaft ...
Noch gange nom en mei Garage,
steig aufs Honda, ond gib Gas!
[Seitenanfang]
Heimatlied
Musik und Text: A. Köberlein

Wo mein Vaddr no sein alde Opel selber butzt
wo mei Moddr jeden Samschdag ihre Hegga stutzt
wo mein Bruader langsam fett wird ond sei Halbe schlotzt
do ben i dahoim, do ben i dahoim

Wo dr Opa no an jeden Baum sei Herzl schnitzt
ond dr Dirigent fürs Kurkonzert sein Stegga spitzt
wo em Krankahaus gelegentlich n' Blenddarm blatzt
do ben i dahoim, do ben i dahoim

Oh Heimat, was du für mi warsch
ich grüße dich das letzte Mal
Leck mich am Abendrot em Schussadal

Wo dr Pfarrer midm Kruzifix durch d'Stroßa hetzt
ond dr Vrteidiger da Mittelschdürmer schwer verletzt
wo dr Bürgermoischdr lebenslang em Rothaus sitzt
do ben I dahoim, do ben i dahoim

Wo dr Nochbr no m' Nochbr vor sei Hausdier rotzt
wo ma Griß Gott sait, ond koinr dir en d' Auga glotzt
wo d'Buaba heimlich zoiged sich da Schniedelwutz
do ben i dahoim, do ben i dahoim

Oh Heimat, was du für mi warsch
ich grüße dich das letzte Mal
Leck mich am Abendrot em Schussadal.


[Seitenanfang]

[Fenster schließen]

[Mail Order für ganz Eilige]

Für Seiteneinsteiger:
[www.grachmusikoff.de öffnen]



© 2003 grachmusikoff & africolaman